TOP 

4. November 1931 - 14. November 2018

„Dat leste Kapitel in dat Book van dat Leven“

Alls hett sien Tied,
daar is en Tied för de Bliedskupp,
en Tied för de Stillte,
en Tied för de Pien, de Trüür
un en Tied, sük in Leevde to besinnen.

 

Harvst 

Störmwind puust dör alle Gaten,
drifft sien Spill mit Boom un Bladd,
jachtert över Markt un Straten
un de Dag is gries un natt.

Sömmerdagen sünd verleden,
Harvst verweiht de söte Göör.
Dook kruppt över Tuun un Meden,
Bladen wesseln mööi de Klöör.

Mennigeen is sünner Hopen.
Minsk, waar findst du dien Gerack?
Well maakt di de Tuundöör open?
Elkeen bruukt en seker Dack.

Harvstwind tuustert dör de Straten.
Büst du nich as Boom un Bladd?
Hett de Strörm di eerst to faten,
gau verdweelst du up dien Padd. 

Marianne Brückmann
Ut: Branettels un Windwoorden