TOP 

25. Juli 1925  -  22. Dezember 2017

"Ik bün de Ollste", so see se faak.
Woll gewahrde se dat Oller as Genade,
As Geschenk.
Man se kunn sük ok stolt up 't Oller wiesen.
Neet, dat se so vööl Jahren uptellen kunn.
Man wat se mit de Jahren anfangen hett.
Wo se Jahr för Jahr mit hör Leven befrachten dee.
Wo se, wat um un in hör was, to Woorden mook.
Wo se deelnehmen leet,
Wat hör deelhaftig worden is.
Wo se mit dat sproken Woord
Un in schreven Schrift
Tohörers un Leesder mitnamm
Up de Reise dör dat Leven.

Vör elv Jahr, an Saterdag, de 23. Dezember 2006,
schreev se in de Wiehnachts-Utgaav van de Oostfreeske Kurier

Up Wiehnachtspadd,
wat beleven in de Verwachtens- un
Wiehnachtstied over all de Jahren.
Nu is se up de Padd in de Ewigheid ...


Hans-Hermann Briese